ԿԱՐԿՈՄԱՎՏՈ

FENOX ավտոկոմպոնենտներ

Մեր առաքելությունը՝ առաջ անցնել մրցակիցներից զարգացման, որակի և անվտանգության ցուցանիշներով:
Մենք մշտապես ստեղծում և զարգացնում ենք նախագծման և արտադրության առաջադեմ տեխնոլոգիաներ: Մենք թույլ ենք տալիս միլիոնավոր մարդկանց՝ ձեռք բերել որակյալ ավտոկոմպոնենտներ, որոնք երաշխավորում են մեքենաների և ուղևորների կատարյալ անվտանգությունը:

Մեր նպատակը՝ ավտոկոմպոնենտների շուկայի առաջատարություն:

Մեր առավելությունները՝ նորարարություն ամեն մի մանրուքում, հստակ մոտեցումներ, հաճախորդների կարիքների վրա ուղղվածություն:

Մեր մասշտաբը՝ գլոբալություն:
Գլոբալ մտածելակերպը ենթադրում է մշտական որակյալ աշխատանք, նորարարական նախագծերի իրագործում, գործըննկերների, սպառողների և հասրակության հանդեպ ունեցած պատասխանատվության ընկալում:

ՊԱՏՄՈՒԹՅՈՒՆ

FENOX կորպոռացիայի պատմությունն սկսվում է 1989թ.: Քսան տարիների ընթացքում այն դարձել է հիդրոգլաններից մինչև ավտոկոմպոնենտների կոմպլեքսային համակրգեր արտադրող ընկերություն: Մեր անցած ճանապարհն ապացուցեց մեր գործընկերներին, որ FENOX-ը հանդիսանում է հուսալի և անընդհատ զարգացող կորպորացիա: Իսկ զարգացումը ամենակարճ ճանապարհն է դեպի ապագա:
FENOX-ն իր արտադրական գործունեությունն սկսել է ՎԱԶ ավտոմեքենաների պահեստամասերից, մասնավորապես ՎԱԶ 2105 մոդելի անիվների հիդրավլիկ գլաններից: Այդ տարիներին առկա դեֆիցիտն ու պահեստամասերի կարիքը թույլ տվեցին արագ մեծացնել արտադրությունը և մի քանի տարիների ընթացքում զգալիորեն ընդլայնել արտադրանքի տեսականին: Գործունեության առաջին տարիներին ընկերությունը մասնագիտացված էր հիդրավլիկ գլանների արտադրության մեջ, և հենց այդ պատճառով էլ շատերի պատկերացմամբ FENOX-ն ասոցացվում է հենց հիդրավլիկայի հետ:
1996թ. FENOX-ը գերմանական Bremse Hydaraulic հանրահայտ ընկերությունից ձեռք բերեց գերհզոր և ժամանակակից սարքավորումներ, ինչը թույլ տվեց կտրուկ բարձրացնել արտադրանքի որակը: Դրան զուգահեռ Bremse Hydaraulic-ը Fenox-ին փոխանցեց նաև մի քանի խոշոր հաճախորդների՝ Lucas(TRW), Continental-Teves և LPR ընկերությունները: Այս քայլը Fenox-ի համար ճանապարհ բացեց դեպի եվրոպական և ամերիկյան շուկաներ: Այսօր էլ հզոր, կայուն և հուսալի կորպորացիան հանդիսանում է ԱՊՀ տարածքում ավտոմեքենաների հիմնական համակարգերի համար նախատեսված կոմպոնենտների ամենալայն տեսականին արտադրող ընկերությունը: Դրանց թվում են արգելակման, էլեկտրական, հովացման համակարգերը, կախոցները, փոխանցման և ղեկային կառավարման համակարգերը:

ԱՐՏԱԴՐՈՒԹՅՈՒՆ

FENOX-ը ներառում է 12 գործարան Բելարուսի, Ռուսաստանի և Գերմանիայի տարածքներում: Արտադրական մակերեսը գերազանցում է 130000 քմ: Յուրաքանչյուր գործարանը համալրված է ժամանակակից բարձր տեխնոլոգիաներով սարքավրոված հոսքագծերով, որոնց սպասարկումն իրականացանում են ընդամենը մի քանի տասնյակ մարդիկ:

FENOX-ի հիմնական ապրանքային ուղղություններն են.
  • FENOX Brake system` արգելակման համակարգի կոմպոնենտներ;
  • FENOX Cooling system` սառեցման համակարգի կոմպոնենտներ;
  • FENOX Suspension system`կախոցների համակարգի կոմպոնենտներ;
  • FENOX Electric system`էլեկտրական համակարգի կոմպոնենտներ;
  • FENOX Transmission system`փոխամցման համակարգի կոմպոնենտներ;
  • FENOX Steering system` ղեկային կառավարման համակարգի կոմպոնենտներ:
Արտադրության տեխնիկական հիմքը կազմում են ժամանակակից մշակող կենտրոնները:
VARIOMATIC մշակող կենտրոնն ամսվա մեջ սպասրակում է 200 հազար միավոր արտադրանք և փոխարինում է 1000քմ տարածքով սովորական մեկ արտադրամաս: Այն մեկ շրջափոխով սպասարկում են ընդամնեը 3 հոգի: Մեկ հիդրավլիկ գլանի մշակման տևողությունը այս հանգույցում կազմում է 10-12 վայրկյան:
MORI SEIKO (Ճապոնիա) և HELLER BEA (Գերմանիա) արագ մշակող կենտրոնների պարկն աչքի է ընկնում աշխատանքի գերհստակությամբ:
Մարդկային գորոծոնը նվազեցնելու նպատակով գործարանը համալրվել է արտադրանքի մշակման և հավաքման ավտոմատ հոսքագծերով: Ենթակիրների հավաքման Gimeco Cogis իտալական հոսքագիծը կառավարվում է ընդամենը 3 բանվորով, մնացած գործողություններն իրականացվում են ավտոմատ ռեժիմով ռոբոտացված մեխանիզմների կողմից:
Արգելակման սկավառակների արտադրության համար տեղադրվել է իտալական Minganti հոսքագիծը, որը բաղկացած է 4 արագ մշակման կենտրոններից և սկավառակների վերջնամշակման երկու գերճշգրիտ սարքավորումներից:
Այս հոսքագծի արտադրողականությունը կազմում է ամսական 50000 սկավառակ, իսկ դրա սպասարկման համար բավարար է 4 մասնագետի աշխատանք:
Ջրային պոմպերի հավաքման և դրանց կորպուսների լրամշակման համար Իսպանիայից ձեռք է բերվել հատուկ սարքավորում, որը թույլ է տալիս ամսական արտադրել շուրջ 90000 պոմպ: Այն իրենից ներկայացնում է հոսքագծային եղանակով միացված վերամշակող հաստոցներ, լվացման կետ, ավտոմատացված հավաքման և հերմետիկության ստուգման կետեր: Արտադրությունն իրականացվում է ռոբոտացված մանիպուլյատորների օգնությամբ՝ առանց մարդկանց մասնակցության:
Մեղմիչների արտադրամասը զբաղեցնում է շուրջ 12 000 քմ տարածություն: Այնտեղ տեղադրված են խողովակների կտրման և լրամշակման համար նախատեսված սարքեր, եռակցման համակարգեր, հավաքման և ներկման հոսքագծեր:
Հիդրավլիկ արգելակման հանգույցների և ագրեգատների, ինչպես նաև մեքենայի այլ համակարգերի արտադրությանը ներկայացվում են շատ բարձր պահանջներ՝ մանավանդ մասերի և կոմպլեկտավորող տարրերի մաքրության առումով: Այդ նպատակով ամեն մի արտադրամասում տեղադրված են Citroen ֆիրմայի լվացող ավտոմատ սարքավորումներ:

Բացի այս ամենից FENOX ավտոկոմպոնենտների արտադրության մեջ կիրառվում են առաջատար համաշխարհային արտադրողների գերճշգրիտ հաստոցներ.
  • Ճապոնական OKUMA ընկերության խառատային ծրագրավորվող հաստոցներ;
  • Ճապոնական OKUMA ընկերության հորիզոնական և ուղղահայած ծրագրավորվող մշակման կենտրոններ՝ կորպուսային պահեստամասերի մշակման համար;
  • SW ընկերության մշակող կենտրոններ և հաստոցներ՝ ծրագրային կառավարմամբ՝ նախատեսված չորս մասերի միանգամյա մշակման համար:
Արտադրանքի որկաը վերահսկվում է Braun-Sharp ընկերության գերճշգրիտ 3-D մեքենաներով, որոնք կարող են ստուգել պահետսամասերի գաբարիտային չափսերը մինչև 0.5 մկմ ճշտությամբ:

ՈՐԱԿԻ ՎԵՐԱՀՍԿՄԱՆ ՀԱՄԱԿԱՐԳ

FENOX կորպորացիան առաջինն էր ԱՊՀ արտադրողների շարքում, որն սկսեց իրականացնել որակի կառավարման համակագի կառուցման միջոցառումներ:
Առաջին նվաճումը 1996թ. ISO9001 ստանդարտի սերտիֆիկատի ստացումն էր: Այն թույլ տվեց ընկերությանը դուրս գալ եվրոպական և ամերիկյան շուկաներ: Միևնույն ժամանակ ISO9001-ը խիստ պահնաջներ էր ներկայացնում արտադրության ողջ գործընթացին և ձեռնարկության տեխնոլոգիական համալրմանը: Այսպիսով սերտիֆիակցման արդյունքում ընկերությունն անցավ ամբողջական տեխնիկական վերազինում, բարելավվեցին նաև ավտոկոմպոնենտների արտադրության հանդեպ եղաց մոտեցումները:
Եվրոպական և ամերիկյան շուկաներում ակտիվ գործունեությունը անհրաժեշտություն ստեղծեց՝ համապատասխանեցնել FENOX-ի արտադրական համակարգը առաջատար ավտոընկերությունների պահանջներին, որոնք էլ ավելի կոշտ էին, քան կիրառվող ISO 9001 ստանդարտը:
Քսանմեկերորդ դարասկիզբը նշանավորվեց ընկերության որակի մենեջմենթի զարգացման նոր փուլով: Կորպորացիան ստացավ VDA 6.1 և QS 9000 սերտիֆիկատները, որոնք արտացոլում են համապատասխանաբար եվրոպական ավտոարդյունաբերական միության և ամերիկյան ավտոարտադրողների ներկայացված բոլոր պահանջները:
Ընկերության զարգացման գագաթնակետն այսօրվա դրությամբ համաշխարհային ավտոմոբիլաշինության համար հանգույցների և ագրեգատների արտադրողների ISO/TS 16949 որակի միասնական սերտիֆիկատի ստացումն է: Արևելյան Եվրոպայի ոչ մի արտադրող չի կարող հպարտանալ նույնքան որակյալ արտադրանքով ու արտադրության կազմակերպման նման կատարյալ ցուցանիշներով: